ما تخاليهاش ببلادك

يا مواطن ويا مواطنة👫 يا اللي فاقد الامل 😡 في النخب السياسية.
يا اللي تشوف في الفساد👥 يمشي عاري ويقولولك غمض عينك. 
يا اللي ما عندكش أمل في المستقبل في بلاد نظيفة . 
يا اللي خذلوك في الانتخابات📦 السابقة وكرهت حاجة اسمها ثورة وحرية🆓 وديمقراطية وعدالة.🎓
أشنوة الحل حسب رأيك؟
نرجعو كيف ما كنا 🔙،؟
تهرب 🏃وتحرق🇮🇹 ؟ تسكت😷؟ تخلي الوضع كيما هو😭 ؟ اطفي الضو 😴؟ شكون باش يخسر ؟
تخلي غيرك يقرر في بلاصتك ؟ تخلي الاكثر فساد هو اللي يقرر نظافة الشارع اللي تسكن فيه ؟ تخلي اللي أقل منك مستوى وثقافة ونظافة يد يتحكم في التنوير العمومي 💡متاع حومتك ؟ تخلي مجلس بلدي يتلاعب كيف ما يحب في الرخص وتطبيق القانون ؟
ترضى يصير هذا الكل وانت ساكت ؟ وانت مقاطع الانتخابات ؟ ومن بعد تحب بلادك نظيفة 🚮ومنورة 🔆؟
يا وخي الفرصة ما زالت وفاتش. برة سجل وعلاش لا ما تترشحش وخلي القرار بيدك💪. ما تحقرش صوتك. ما تخذلش بلادك. كيف ما ينجم عزوفك يكون مؤثر وخسارة 👎على المجموعة الوطنية كيف ما تنجم تكون مشاركتك مؤثرة زادة وايجابية👍 ومساهمة في تحسين الوضع تدريجيا.
كن انت ايجابي ➕وابعد 🔇علي يحبط العزائم ➖راهو ها الانواع هذه اما عندها اجندة سياسية رافضة كل شيئ او مستوى تفكيره ما ينجمش يفوت قراءة ثلاثة دقائق 🕒 في المستقبل أو هذاكة حد مخه.
كن انت ايجابي واقنع غيرك.
كن انت صاحب القرار.
كن جندي 💂👮من جنود البلاد حتى من غير لبس الكومبا.
رجع جميل البلاد اللي ولدت👶 وتربيت فيها
رجع جميل البلاد اللي قراتك وصرفت عليك بالورو💶 والدولار💷 واليان💴.
رجع جميل بلادك اللي تاكل في خضرتها 🍆🌰🎃وغلتها 🍐🍎🍉 ولحمها 🍗🍖وحوتها 🐟وتشرب في ماها💧آمس واليوم وغدوة.
ما ترميش المنديل اليوم بطالة وفساد ووسخ في الشوارع وغدوة ان شاء الله خير 🌞
يهديك ربي ما تخاليهاش ببلادك. برة سجل وادخل للجمعيات وراقب. وادخل لهيئة الانتخابات واشرف من قريب عليها. ما تنساش حق الشهداء من وقت الاستعمار 🇫🇷 لليوم ولغدوة. . وادخل لهيئة الانتخابات واشرف من قريب عليها. ما تنساش حق الشهداء من وقت الاستعمار لليوم ولغدوة. ناس استشهدوا👮👴👵👼 باش نعيشوا أحنا. قارن بوقت الاستعمار الخارجي 🇫🇷 والداخلي وتوة وقول الحمد لله.
أيا يا باهي👨‍👩‍👧‍👦 يرحم والديك تونس تستنى فيك⌛
من أجل بلادك، من أجل صغارك👨‍👩‍👧‍👦، من أجل اللي يحبوك👩‍❤️‍💋‍👩👨‍❤️‍💋‍👨💏👩‍❤️‍👩، كون تونسي أصيل وشوف نص الكاس المعبي🍷.
قوم عاد يعمبو زينك😘 وأقرأ هذا وما تشدش ضحكتك😆 وأضحك بالقوي وبارطاجي💻📲 مع أصحابك. واللي يضحك عليك بلوكيه🔐 حتى لو كنت أنا منهم 😂
اوكي 🆗صديقي ؟